A temporada 2012/13 terminou co descenso do Verín CF a Primeira Autonómica. A obrigada reducción presupuestaria -causada pola difícil situación económica- traduciuse nun plantel corto e cunha media de idade de 23,5 anos, que cuallou unha excelente primeira volta, pero que na segunda pagou as baixas de longa duración de pesos pesados do equipo coma Luisito, Mario ou Iván Teixeira. No que respecta á Copa, o Verín CF chegou a semifinais, sendo derrotado pola UP Taboadela, á postre campión.

Se deportivamente o clube non cumpriu as súas expectativas de permanencia, o clube gañou as simpatías de todos coas súas campañas publicitarias, levou o nome de Verín por todo o mundo co calendario Pedra e auga, e participou en iniciativas solidarias coma o partido solidario no que se recadaron máis de 5 toneladas de alimentos para os máis desfavorecidos.

​